Фудбалската федерација на Македонија им даде чиста петка на децата од петто одделение при основното училите „Никола Вапцаров“ од Струмица, кои направија албум со фотографии од сите фудбалери и селекторот Игор Ангеловски, давајќи им поддршка пред вечерашниот дуел со Гибралтар.
Младите струмичани од V1 одделението, на струмички дијалект им посветија песна на нашите најдобри фудбалери, и најавија дека на стадион ќе бидат меѓу најгласните навивачи на „рисовите“ на кои им посакаа пласман на Европското првенство 2020, па дури и да го освојат.
Вечерва нема да игра најпознатиот струмичанец, Горан Пандев, но децата сигурно ќе имаат и друга прилика да го гледаат капитенот, и тоа нема да биде пречка да дадат максимална поддршка.
