Брендан Роџерс си поднесе оставка од функцијата менаџер на Селтик откако тимот загуби два меча по ред во домашното првенство.
Поранешниот менаџер на Селтик, Мартин О’Нил, и поранешниот играч на Селтик, Шон Малоуни, се согласија да го преземат првиот тим на Селтик во овој преоден период додека се најде трајно решение.
Роџерс беше во Селтик од летото 2023 година. Во овој период тој освои две титули во шкотското првенство и по еден Куп и Лига куп на Шкотска. Претходно во клубот работеше и од 2016 до 2019 година.
Селтик моментално е на второто место на табелата со големи 8 бодови заостанување зад лидерот Хартс. Срцата се обидуваат да ја прекинат доминацијата на Селтик и Ренџерс, двата тима од Глазгов се во криза и веќе ги сменија менаџерите.
