Бруклин нетс одигра уште подобар меч во плејоф-серијата против Милвоки бакс и го декласира ривалот со 125:86 за предност од 2:0 во полуфиналето од Источната конференција.
Со 1:0 на спротивната страна, на Западот од НБА поведе Феникс санс со триумф од 122:105 против Денвер нагетс.
Бруклин и втор меч играше без големата НБА-ѕвезда Џејмс Харден, но и без популарната Брада, Мрежичките покажаа дека имаат шампионски лик.
Со фуриозна игра уште во првата четвртина, што ја добија со 36:19, го откажаа ривалот од аспирациите да направи брејк во плејоф-серијата што требаше да привлече најголемо внимание.
Јанис Адетокумбо и Крис Мидлтон, двете големи ѕвезди на Бакс, одиграа скромно, а поразот од 39 разлика е еден од највисоките во плејоф-историјата на Елените. Двајцата заедно постигнаа само 35 поени, што често е кота на поени што можат и сами поединечно да ја постигнат.
Кај Бруклин прв стрелец беше Кевин Дурант со 32 поени, додека Кајри Ирвинг уфрли 22 поени.
https://twitter.com/BrooklynNets/status/1402056353745670145?s=20
Феникс успеа да одигра одлично второ полувреме против Денвер нагетс и да го лимитира Никола Јокиќ под 30 поени, што им донесе стартен успех во полуфиналната плејоф-серија.
Нагетс водеа по првиот дел со 58:57, но потоа се разигра Крис Пол и Сонцата славеа победа. Пол постигна 21 поен, од нив дури 14 во последната четвртина, кога се одлучуваше мечот. Бриџис беше најефикасен со 23 поени.
Back-to-back CP3 jumpers stretches the @Suns lead to 15 early in the 4th! #NBAPlayoffs pic.twitter.com/lFSICyPzKv
— NBA (@NBA) June 8, 2021
Кај гостите, Јокиќ уфрли 22 поени, а зад него е Гордон со 18 поени.
