Манчестер јунајтед за прв пат по 12 години загуби на свој терен од Астон вила и тоа на драматичен начин. Гостите од Битмингем поведоа со гол во 88 минута, а Јунајтед имаше шанса да се спаси од пораз во судиското надополнување.
Беше досуден пенал за Црвените ѓаволи, а Бруно Фернандеш ја имаше одговорноста да погоди, иако на теренот беше и Кристијано Роналдо. Иако важи за еден од најдобрите изведувачи на пенали, овојпат шутот на Фернандеш заврши високо над голот на Астон вила.
Кристијано Роналдо прв дојде до Фернандеш и му даде поддршка и покрај големото промашување. За Португалецот ова беше само втор промашен пенал во дресот на Манчестер јунајтед од 23 шута од белата точка.
