Легендарниот голман на Јувентус, Џанлуиџи Буфон, верува дека Лучано Спалети е идеално решение за нов тренер на Јуве.
Буфон до неодамна соработуваше со Спалети, Џиџи е шеф на делегацијата во репрезентацијата на Италија, а Спалети беше селектор.
Неколку имиња се спомнуваат како кандидати за нов тренер на Старата дама, која вчера се раздели со Игор Тудор, но фаворит за преземање на функцијата е Спалети, со кого веќе се почнати преговорите.
„За мене, Лучано е вистинскиот профил на тренер за големи клубови кои имаат амбиции. Нема да загубите многу мечеви ако го имате за тренер. Јувентус би направил одличен избор. Тој е одличен човек, го сака фудбалот, има харизма, искуство и авторитет“, изјави Буфон.
