Актуелниот освојувач на двојната круна во Германија, тимот на Баер Леверкузен, доживеа шокантна елиминација во полуфиналето на Купот од третолигашот Арминија Билефелд. Тренерот Чаби Алонсо призна дека неговиот тим одиграл далеку под можностите, честитајќи му на противникот за големиот успех.
„Мора да упатиме честитки за Арминија Билефелд. Тие беа максимално мотивирани, можеби и се надминаа себеси, но остварија голем успех. Ние сакавме да се вратиме повторно во финалето во Берлин, како минатата сезона, но одигравме многу лошо. Ова боли многу, но мора да се исправиме и да продолжиме понатаму“, изјави Чаби Алонсо.
Арминија Билефелд во финалето ќе го очекува подобриот од второто полуфинале кое се игра вечерва меѓу Штутгарт и Лајпциг.
