Лидерот на табелата во Бундес лигата, Баер Леверкузен, сосема извесно на крајот од сезоната ќе остане без својот тренер. Младиот шпански стратег, Чаби Алонсо, според германски Билд, на крајот од сезоната си оди од Баер и ќе го преземе кормилото на Ливерпул, клуб каде важи за вистинска легенда.
„Фармацевтите“ веднаш после објавата на Јирген Клоп дека го напушта Ливерпул, започнале со барањето на заменета за Алонсо, бидејќи им станало јасно дека шпанскиот тренер нема да може да ја одбие понудата на својот поранешен клуб.
Во Баер Леверкузен се размислува за ангажманот на Ханси Флик, но во моментов имаат сериозна конкуренција во екипата на Барселона, која сака да го ангажира како замена за Чави Ернандес, кој исто како и Клоп, најави дека на крајот од сезоната си оди од Барселона.
