Вардар го пречекува Шкупи во мечот кој треба да биде најпривлечен во петото коло од Прва македонска лига. Актуелниот првак Вардар е во комплетно изменет состав од минатата сезона, па затоа по четири одиграни меча има само четири бода и е во зоната за испаѓање.
За разлика од Црвено-црните, Шкупи е со три победи и реми, па со евентуален триумф на Арената „Тодор Проески“, чаирчани ќе се искачат на лидерската позиција, каде сега е Шкендија со 11 бодови. Мотив за гостите ќе биде и фактот дека Вардар сезонава на двата меча што ги одигра како домаќин, два пати загуби и тоа без да дадени ниту еден гол.
Сепак кога се работи за дуелите Вардар – Шкупи, гостите речиси и да не знаат како е да се победи на стадионот во Градски парк. Според статистиката од последните 17 години, Шкупи ниту еднаш не го победил Вардар како гостин, но сега е фаворит за освојување на трите бода.
Во останатите три меча кои се играат денеска од 16 часот Борец е домаќин на Академија Пандев, Пелистер ја пречекува Македонија Ѓорче Петров, а играат и Ренова – Работнички.
