Mакедонскиот фудбалски стратег Чедомир Јаневски повторно се враќа на Кипар. Тој го презеде тимот на Неа Саламис и по одредена пауза пак ќе биде дел од кипарскиот шампионат.
Јаневски претходно работеше во неколку клубови на Кипар, Етникос Ахна, АЕЛ Лимасол, Олимпијакос Никозија, а сега ќе го предводи составот на Неа Саламис.
Поранешниот македонски селектор во кариерата беше дел и од Клуб Бриж, Ал Шабаб, Црвена ѕвезда, Монс, а го предводеше и најтрофејниот македонски клуб Вардар во периодот кога настапуваше во групната фаза од Лигата на Европа.
