Големи промени во системот за натпреварување во Лигата на шампионите најави претседателот на УЕФА, Александер Чеферин. Првиот човек на европската куќа на фудбалот најави можност од 2024 година завршницата во ЛШ да се игра како во кошаркарската Евролига или ракометната ЛШ, со четири тима во еден град.
„Ситуацијата со корона-вирусот придонесе минатата сезона да ја завршиме со финален турнир со осум тима, од четвртфинале до финале се играше само по еден меч, и тоа испадна одлично. Сепак, премногу е осум тима да влезат во завршницата. Размислуваме за промена на форматот на завршницата и четирите најдобри да играат фајнал-фор. Тоа бил празник на фудбалот и празник за навивачите“, изјави Чеферин.
