Челзи со убедливи 7-1 против Гримсби ја запиша воопшто првата победа на домашен терен за оваа сезона. Подмладениот состав на Френк Лампард немаше проблеми против нисколигашот и веќе во првото полувреме ги реши дилемите.
Баркли и Батшуаји за седум минути донесоа водство за Сините од 2-0, пред Грин да го постигне единствениот гол за гостите, и тоа на сензационален начин. До крајот на мечот мрежата на Гримсби ја тресеа уште Педро, Зума, Рис, уште еднаш Батшуаји, па и Хадсон-Одои во финишот.
https://www.youtube.com/watch?v=PtzUh-2vi9Q&feature=youtu.be
Ливерпул без мака славеше на гостувањето кај Милтон Кејнс Донс со конечни 2-0. Милнер пред паузата, отвори за европскиот првак, а младиот Хувер на дваесетина минути до крајот го запечати посакуваниот триумф за екипата на Јирген Клоп.
Шокантна елиминација претрпе Вест хем на гостувањето кај третолигашот Оксфорд јунајтед, каде што загуби со убедливи 4-0. Чеканите по големата победа над Манчестер јунајтед во Премиер лигата, очекуваа нов позитивен резултат, но тие се вториот прволигаш од Лондон кој ова натпреварување го завршува во третото коло, по Тотенхем.
Останати резултати Карабао куп трето коло:
Брајтон 1-3 Астон Вила
Бартон 2-0 Борнмут
Шефилд јунајтед 0-1 Сандерленд
