Челзи го победи Брентфорд со 2-1 и со оваа петта победа едноподруго во Премиер лигата, тимот на менаџерот Енцо Мареска дојде на само два бода зад првопласираниот Ливерпул кој има и еден меч помалку.
Првиот гол за Сините го постигна Марк Кукурелја, и тоа беше негов прв премиерлигашки погодок во дресот на Челзи во кој игра трета сезона. Шпанецот имаше дадено еден гол во Премиер лигата и тоа во сезоната 2021/2022 кога го носеше дресот на Брајтон.
Головите погледнете ги ТУКА.
Тотенхем кој после само 25 минути водеше со 4-0 на гостувањето кај Саутхемптон, на крај триумфираше на „Сент Мери“ со 5-0. Сите голови паднаа во првото полувреме, а потоа Петлите се задоволија.
Никој во историјата на Премиер лигата не водел со шест голови разлика по прво полувреме, а Спарс не може да се каже дека испуштија шанса да испишат историја затоа што петтиот гол го дадоа доцна, во четвртата минута од судиското продолжение од првиот дел.
