Чешка стигна до убедлива победа против Бразил (93:71), иако Кариоките ја имаа улогата на фаворити пред мечот. Уште во првите 10 минути Чешка покажа дека не се плаши од предизвикот и имаше предност од 20:16. Во втората четвртина, Чесите одиграа уште подобро, па на полувреме имаа двоцифрена предност од 45:32.
Бразилците делуваа немоќно и во второто полувреме, а победникот беше познат уште пред почетокот на последните 10 минути, кога Чешка водеше со 65:46. Чешка загуби на стартот од првенството од САД, а потоа нанижа три победи. За Бразил ова е прв пораз на Мундобаскетот.
Австралија стигна до четвртата победа во низа, откако со 82:76 ја победи Доминиканска република. Кенгурите само еднаш во текот на целиот меч беа вонегатива од два поени и тоа беше во првата четвртина. Во продолжение од средбата беа во водство, но сепак, немаа комоција до самиот финиш на средбата, кога направија предност од 81:70. Во следното коло, Австралија ќе игра против Франција, која попладнево ќе ги одмери силите со Литванија.
Во мечевите за разигрување од 17 до 32 место, Нов Зеланд ја победи Јапонија со 111:81, а Канада беше уште поубедлива против Јордан и славеше со 126:71.
