Русија одигра чесно и ја декласира Естонија со 75:52 со што ја остави Македонија во игра за настап на Евробаскетот.
Иако за домаќините во Перм мечот против Естонците беше само за престиж, не дозволија изненадување и победија со 23 поени разлика.
Русите ги добија сите четири четвртини и не оставија простор за надеж за Естонците дека можат да победат и утрешниот меч против Македонија да го направат само ревијален.
Сега нашата репрезентација треба да ги победи Естонците со 10, или повеќе поени разлика на дуелот што ќе се игра утре од 15 часот.
Имаме една победа помалку од Естонците и пораз од нив со 72:81 во Скопје, но со малку среќа и добра игра имаме шанса во последен миг да се пласираме на Евробаскетот што ќе се игра идната година во четири земји, Грузија, Германија, Чешка и Италија.
Денеска, Македонија ја победи Италија со 87:78, но ќе мораме да играме без Нено Димитријевиќ, утре против Естонците. Одличниот бек на Македонија се повреди на денешниот меч и нема да игра во клулниот меч за пласман на ЕП.
