Баер Леверкузен го декласира германскиот четвртолигаш Сарбрикен со 3:0 и се пласира во четвртото клупско финале во Купот на Германија.
Гостите беа пресилни за најголемото изненадување во популарниот ДФБ покал и не дозволија сензација на единствениот четвртолигаш што играл полуфинале во купот.
Блескаше германскиот репрезентативец Керем Демирбај со три асистенции, а првата до Муса Дијаби во 11-тата минута беше мајсторска.
https://www.youtube.com/watch?v=Y6MpcUqRqm0
Демирбај беше главен режисер и на акцијата во 19-тата минута, кога Аларио погоди за 2:0 и ја заврши приказната на Сарбрикен и сонот на нисколигашот за историско финале.
Во второто полувреме Керем комплетираше хет-трик асистенции, а печат на убедливата победа на фаворитот стави Белараби со погодок во 58-мата минута.
https://www.youtube.com/watch?v=V8jK-1mWuDc
Баер во финалето во Берлин на 4 јули ќе игра со победникот од второто полуфинале меѓу Баерн и Ајнтрахт што ќе се игра утре од 20.45 часот. Тимот од Леверкузен има само еден куп-пехар, освоен во 1993 година со победа против Херта од 1:0, а двапати губеше во мечот за титулата.
