Голем скандал изби на Копа Америка откако се обелодени дека пет до шест чилеански фудбалери ги прекршиле ковид-19 протоколите и во нивниот хотел се „дружеле“ со девојки од надвор, што е забрането. Ако се докаже дека станува збор за проститутки, може да се случи Чилеанците дури и да бидат исфрлени од Копа како најдрастична мерка, а вечерва треба да играат дерби-меч против Уругвај.
Меѓу оние Чилеанци кои имале женско друштво во хотелот во Бразил, биле и најискусните Артуро Видал и Гари Медел. Медиумите во Чиле пишуваат дека девојките биле проститутки. Од Фудбалската федерација на Чиле признаа дека протоколите биле прекршени поради користење „фризерски услуги“.
