Искусниот италијански напаѓач, Чиро Имобиле, би можел да ја продолжи својата кариера во Франција.
Новиот прволигаш ФК Париз е во напредни преговори за потпишување на 35-годишниот играч на Болоња, објави новинарот Фабрицио Романо.
Разговорите меѓу двата клуба се при крај, се очекува Имобиле да се согласи и на трансферот, по што ќе треба да ги помине медицинските прегледи.
Имобиле дојде во Болоња од Бешикташ како слободен играч во летото. Од почетокот на сезоната, тој одигра само 9 натпревари во кои не постигна гол.
