Во фудбалската академија на Милан постои дете кое се очекува во иднина да биде голема ѕвезда. Се работи за 12-годишното момче Андреа Кустјук, кое има италијанско-украинско потекло.
Ова детенце веќе три сезони по ред се покажува како машина за голови и зад неговото име има бројки кои се речиси невозможни. Во оваа сезона која изминува, Кустјук постигна 238 гола во 41 натпревар, а интересно е дека оваа сезона му е најслаба во однос на претходните две.
Во сезоната 2021/22 детенцето постигна 265 гола, а минатата сезона беше неверојатен со 295 погодоци. Ако се собере билансот од сите три сезони, момчето вкупно има 791 гол, а дека знае и да додава, потврува и фактот дека има и 242 асистенции.
Во Милан веќе имаа еден одличен украински голгетер во името на Андриј Шевченко, а времето треба да покаже дали Кустјук ќе биде негов наследник во офанзивниот дел на Росонерите.
