Тотенхем одигра 1:1 на гостувањето кај Вулверхемптон, во меч на кој лондончани поведоа со гол само по 56 секунди игра. Тимот на Жозе Мурињо предноста ја имаше до 86-тата минута, кога Вулверхемптон успеа да израмни и на крајот дуелот заврши 1:1, па наместо три бода, Тотенхем освои само еден бод.
По 15 одиграни кола, Тотенхем има освоено 26 бодови и заостанува шест бода зад лидерот Ливерпул. Статистиката покажува дека тимот на Жозе Мурињо во последните 10 минути од мечевите игра најслабо. Во овие 15 меча, поради головите кои ги има примено од 81-вата минута до крајот, Тотенхем вкупно има загубено девет бодови.
Едноставно, играчите на лондонскиот тим ја губат концентрацијата или силата и се најранливи на крајот од мечот. Доколку сезонава се играше до 80-тата минута, Тотенхем и Мурињо сега ќе беа лидери во првенството.
9 – Spurs have dropped nine points in 2020/21 with goals conceded in the last 10 minutes of matches, the most of any side in the Premier League. Slip. #WOLTOT pic.twitter.com/odfDFki8vC
— OptaJoe (@OptaJoe) December 27, 2020
