Дарио Ивановски победник на „Skopje Run 10K“ со државен рекорд

Дарио Ивановски е победник на третото издание на уличната трка „Skopje Run 10K“, на која учествуваа околу 2 илјади тркачи на Булеварот „Илинден“ во главниот град.

Ивановски прв мина низ целта со резултат 31:07 што е државен рекорд. Ист подвиг, односно државен рекорд постави и Андријана По Арсова во женска конкуренција, со резултат 37:02, доволно за второ место. Кај дамите победи Теодора Симовиќ со време од 34:59, а трета на целта стаса Билјана Кираџиева со 37 минути и 59 секунди.

Ивановски беше убедливо најбрз во масовната трка, а зад него целта ја минаа второпласираниот Милош Ранчиќ со резултат 33:44 и Атанас Анчевски со 34:49.

Во штафетната трка најдобри беа Game On со 36:34 минути, по нив NRC-NIKE+RUN CLUB со 37:55 минути и трети завршија 3P DEVELOPMENT со 38:01 минути.

 

- Оглас -

Најнови вести