Фудбалскиот клуб Вардар најави дека во текот на денов треба да се официјалиираат договорите со македнскиот репрезентативен стопер Дарко Велковски и српскиот офанзивец Стефан Цветковиќ.
Велковски повторно ќе го носи дресот на Вардар, откако беше член на најтрофејниот македонски клуб од 2015 до 2018 година. Дарко го раскина договорот со Зрински од Мостар и како слободен играч доаѓа во Вардар.
Цветковиќ е 28-годишен крилен играч кој потекнува од младинската школа на Црвена ѕвезда и некогашен јуниорски репрезентативец на Србија, а последен клуб му бил Железничар Панчево.
Од Вардар најавија дека до крајот на викендот се очекуваат уште две засилувања.
