Луиџи Датоме одигра во НБА стил на големиот Мајкл Џордан во финишот на дербито меѓу Фенербахче и Реал Мадрид и му донесе победа на турскиот првак од 65:63.
Датоме мајсторски ја префрли топката од десната на левата рака и ја положи топката во кошот на нешто повеќе од 4 секунди до крајот на дербито.
Последниот напад му припадна на Реал Мадрид, но Кампацо не успеа да погоди и актуелниот европски првак загуби во пеколната атмосфера во Истанбул.
GIGI DATOME'NIN @FBBasketbol'A GALİBİYETİ GETİREN İSABETİ! pic.twitter.com/Hc45YxEtdj
— Eurohoops Türkiye (@EurohoopsTR) December 28, 2018
Ова беше дуел на двата последни шампиони во Евролигата, а Реал е бранител на титулата, што пред него ја освои Фенербахче.
Датоме беше и најефикасен на мечот со 17 поени, пред соиграчот Јан Весели со 13 поени. Кај Реал Мадрид Руди Фернадес беше најдобар стрелец со 12 поени.
