Има ли подобар играч во Премиер лигата од Кевин де Бројне во моментов? Белгиецот ги постигна четирите од петте гола за Манчестер сити на гостувањето кај Вулверхемптон во победата од 5:1.
Де Бројне во првиот дел даде хет-трик за 25 минути, а својот трет гол го прослави во стилот на Ерлинг Халанд. Потоа, во 60-тата минута дојде и до четвртиот погодок на оваа средба.
Рахим Стерлинг во 84-тата минута ги постави конечните 5:1, со што Манчестер сити има три бода повеќе, но и седум погодоци подобра гол-разлика од ривалот Ливерпул на две кола до крајот.