Френки де Јонг беше на излезна врата пред доаѓањето на Ханси Флик во Барселона, но германскиот стручњак знаеше како да го искористи потенцијалот на холандскиот интернационалец и да го извлече максимумот од него, па сега тој е еден од клучните фудбалери на Каталонците.
Награда за одличните игри е и продолжувањето на договорот за уште три сезони, па сега Де Јонг ќе остане во Каталонија најмалку до 2029 година. Двете страни преговараа веќе подолг период, а шпанските медиуми пренесуваат дека конечно е постигнат договор.
Де Јонг пристигна во Барселона во 2019 година од Ајакс за сума од 86 милиони евра.
