Ентони Дејвис го продолжи договорот со ЛА Лејкерс, објавија медиумите во САД.
Дејвис потпиша нов тригодишен договор, кој ќе почне да му важи откако ќе му заврши актуелниот договор, и според кој во Лос Анџелес ќе остане до 2028 година.
Со новиот тригодишен договор, тој ќе заработи 186 милиони долари, односно 62 милиони по сезона, што ќе го направи најплатен кошаркар во НБА-лигата кога станува збор за годишна плата.
BREAKING: Lakers star Anthony Davis has agreed on a three-year $186M max extension, tying him to franchise thru 2028 for total of $270M-plus, @KlutchSports CEO Rich Paul tells ESPN. Davis lands richest annual extension in NBA history at $62M. pic.twitter.com/bf9kWgD7uz
— Adrian Wojnarowski (@wojespn) August 4, 2023
Крилниот центар во наредните пет години, со актуелниот и со новиот договор, вкупно ќе заработи 270 милиони долари.
Дејвис заедно со Леброн Џејмс на ЛА Лејкерс му ја донесоа шампионската титула во 2020 година, а минатата сезона загубија во финалето на Западната конференција од шампионот Денвер нагетс.
