Европската фудбалска федерација (УЕФА) ја казни Црвена ѕвезда поради нередите кои нејзините навивачи ги направија на мечот од плејофот за пласман во групната фаза во Лигата на шампионите против Салцбург.
По завршување на мечот во Австрија, Црвена ѕвезда обезбеди место во групната фаза од елитното натпреварување, а навивачите на „црвено-белите“ влетаа на теренот. Поради овој инцидент, УЕФА реши да го казни српскиот првак да не смее да има поддршка од гостински навивачи на две средби во групата.
Тоа значи дека белграѓани ќе немаат помош од трибините на гостувањата против Пари Сен Жермен во Париз и на гостувањето кај Ливерпул на „Енфилд роуд“. Единствено на гостување навивачите на Ѕвезда ќе може да отидат во Неапол, кога ќе играат против италијанскиот калчолигаш Наполи.
Првиот меч од групната фаза во Лигата на шампиоите, Црвена ѕвезда ќе го игра на својот стадион во Белград против Наполи.
