Гостувањето кај Кожув кај Пелистер, треба да биде најинтересниот од трите натпревари од денешната програма во првата машка кошаркарска лига. Гевгеличани немаа многу време да се подготват за овој меч, бидејќи пред три дена имаа гостување во Бугарија, но сепак важат за фаворити на дуелот во Битола.
Пелистер уште нема победа, и мотивите кај нив да се совлада противникот, ќе бидат големи, а нивна предност е домашниот терен. Битолчани гостуваа во првите три кола, и ова им е прва шанса да дојдат до победа.
На другите два денешни меча, домашните екипи се големи фаворити. Дерби мечевите се закажани за утре.
Двојки, 4 коло, денеска: Блокотехна – Шкупи (17.30 часот), Пелистер – Кожув (18), Фени индустри – Вардар (18). Утре: Куманово – Работнички (17.30), МЗТ Скопје Аеродром – Гостивар (17.30).
