Лион со минимални 1-0 го совлада Сент Етјен во дербито Роналпин во Франција. „Лавовите“ до утре ќе стојат на второто место во францускиот шампионат, со 27 бода, еден повеќе од Лил.
За осмиот овосезонски триумф, домаќините стигнаа со голот на дефанзивецот Џејсон Денајер во 62-та минута, кој со глава ја заби топката во голот на противникот по одлично изведениот корнер на Депај.
Лион во последните 20 минути од средбата играше со играч помалку, откако Рафаел заработи директен црвен картон, но „лавовите“ успеаја да ја сочуваат мрежата и да ги запишат новите бодови.
