Ждрепката за Светското училишно првенство во ракомет кое ќе се игра во Скопје, го смести машкиот тим на Македонија во групата А со Република Српска, Грузија, Бугарија и Саудиска Арабија. Во женска конкуренција, Македонија ќе игра во групата Ц заедно со Белгија, Грузија и Словачка.
Селектор на машката училишна репрезентација е Горан Кузманоски, а женската ја предводи Даниела Новеска.
На овој масовен настан ќе учествуваат 36 земји, кои ќе настапат во машка и во женска конкуренција. Сите делегации веќе се пристигнати во нашиот главен град и со нетрпение го очекуваат стартот на првенството.
Утре е свеченото отворање со дефиле на плоштадот Македонија во центар на Скопје од 19.30 часот, ќе има музика и шоу програма, а натпреварите стартуваат на 22-ри април.
