Детроит загуби на домашен терен од Чикаго со 105:127 и со овој пораз Пистонси испишаа неславен рекорд во клупската историја. Ова беше 67-ми пораз во 80 меч, па јасно е дека ќе биде надминат црниот рекорд на генерацијата која играше за Детроит, а сезоната ја завршија со 16 победи. Ако Деторит победи во последните два меча, на крајот може да стигне до 15 триумфи.
Бостон селтикс веќе одамна го обезбеди првото место на Истокот, па сега тимот игра релаксирано и не е многу штета што врза два порази по ред. По поразот во дербито од Милвоки, Бостон ноќеска на свој терен загуби и од Њујорк со 109:118. Токму Њујорк и Милвоки се борат за втората позиција на Истокот, а моментално Бакси имаат една победа повеќе.
Во Јута, домашните Џезери славеа со 124:121 против Хјустон во меч кој беше тотално неважен затоа што двата тима нема да играат плејоф. Во останатите два меча кои се одиграа ноќеска, Голден стејт ја оправда фаворитската улога и победи на гости кај Портланд со 100:92, а на гости славеше и Њу Орлеанс против Сакраменто.
