Ал Ахли ја освои рекордната деветта титула во Лигата на шампионите во Африка со победа од 2:1 против вечниот ривал Замалек.
Финалето се играше на „Интернационалниот стадион“ во Каиро, а клучниот момент се случи во 86. минута кога со прекрасен гол Махди му донесе победа на Ал Ахли.
https://twitter.com/Arab_Ballers/status/1332426408870735874?s=20
Претходно Солеја со гол во петтата минута му донесе предност на Ал Ахли, а со уште еден прекрасен гол во финалето израмни Шикабала во 31. минута.
https://twitter.com/aymanyezz/status/1332408942807441411?s=20
Многу причини за радост имаше и тренерот на Ал Ахли, Питсо Џон Мосимане, кој е само третиот тренер во историјата на африканската Лига на шампиони што го освоил пехарот со две различни екипи.
Ал Ахли сега има рекордни 9 титули во Лигата на шампионите, пред Замалек, кој остана на пет, колку што има и Мазембе од ДР Конго.
