Един Џеко беше актуелна тема во изминатиот преоден рок. Босанскиот голгетер требаше да го засили Јувентус, меѓутоа Аркадјуш Милик, неговата потенцијална замена не прифати да потпише за Рома, па Џеко остана на „Олимпико“.
Поради тоа Рома сега се обидува да го врзе Џеко со нов договор според кој би ја завршил кариерата во Вечниот град. Џеко лани летото потпиша нов договор со Волчицата до јуни 2022 година откако не ја реализира преселбата во Интер, па сега истиот може да биде продолжен на една до две дополнителни години.
Од 2015 година, Џеко досега настапи на повеќе од 220 меча за Рома во сите натпреварувања, во кои постигна 106 гола. Тој е еден од најдобрите играчи во клубот и одговорен за капитенската лента, па не е ни чудо што Рома сака да го задржи и на 34 години.
