Легендарниот капитен на Ливерпул, Стивен Џерард, даде коментар кој никого не го остави рамнодушен, според него, Мајкл Овен бил подобар играч како тинејџер од Ламин Јамал или Килијан Мбапе.
„Ламин и Мбапе тоа што го прават е неверојатно и не се гледа често, особено не во тинејџерските години. Но, играв со Мајкл Овен, беше неверојатен тинејџер, би рекол дека беше подобар од нив, најдобар што сум го видел. Тогаш фудбалот беше потежок и поагресивен, а тој делуваше незапирливо“, вели Џерард.
За да се оправда, Англичанецот се повика на резултатите.
„Другите двајца се борат за Златната топка, додека Мајкл има една. Мислам дека треба да го почитуваме фактот дека Мајкл беше избран за најдобар играч во светот“, додава популарниот Стиви Џи, кој шест години беше соиграч со Овен.
Овен дебитираше на 17 години и успеа да постигне 40 гола на 79 натпревари пред да наполни 20 години. Тој исто така освои три трофеи во 2001 година (Карабао куп, ФА куп и Куп на УЕФА), што му донесе освојување на Златната топка.
Ламин Јамал има постигнато 14 гола и 22 асистенции во 73 лигашки натпревари откако го имаше своето деби за Барселона на 15-годишна возраст.
Мбапе го воодушеви светот на 18-годишна возраст со Монако и со својот херојски настап на Светското првенство во Русија во 2018 година, постигнувајќи четири гола на Мундијалот.
