Рајо Ваљекано победи на гостувањето кај Гранада со 2:0, а еден од најзаслужните за овој триумф е голманот Столе Димитриевски. Репрезентативниот чувар на Македонија и вторпат во новата сезона во Примера дивисион бранеше блескаво.
Дури седум одбрани имаше Димитриевски во текот на мечот и не дозволи ниту еднаш да биде совладан. Одличните одбрани на Димитриевски беа наградени со два погодоци во нападот. Гарсија во 75-тата минута погоди за водство на Рајо, а само четири минути подоцна гостите имаа предност од 2:0, што на крајот се покажа и како конечен резултат.
По две одиграни кола, само Рајо, Реал Мадрид и Валенсија се екипите со максимални шест бода, а освен Димитриевски, единствено гол во новата сезона нема примено само уште Марк Андре тер Штеген од Барселона.
▶️ @Dimitrievski1 ⛔️#GranadaRayo #VamosRayo pic.twitter.com/pTOXvBxsGl
— Rayo Vallecano (@RayoVallecano) August 21, 2023
