Цели 30 години чекање. Три децении сонување, надеж и разочараување за на крајот да дојде толку посакуваниот ден. Денот кога Ливерпул ќе го крене шампионскиот трофеј во Англија и официјално ќе биде крунисан за првак во Премиер лигата.
Милиони навивачи на гигантот од „Енфилд роуд“ трепереа и сезонава иако Ливерпул со игрите на теренот покажа дека е доминантен. Кога дојде време за Ливерпул уште во март да стигне до недостижна предност пред ривалите, се случи светската пандемија со опасниот корона-вирус. Првенството беше прекинато, некои шпекулации дури најавуваа дека Премиер лигата нема да се доигра, а со тоа во вода ќе паднат сите победи на Ливерпул, а титулата нема да биде доделена.
Сепак, по повеќе од три месеци чекање фудбалот во Англија продолжи, а Ливерпул покажа дека едвај чека за да стигне до трофејот. На седум кола до крајот првпат беше познат шампионот во Англија, но трофејот уште не е доделен. Тоа ќе се случи денеска.
Ливерпул на својот „Енфилд роуд“ го пречекува Челзи, а средбата ќе биде во втор план за домаќините затоа што единствено важно е да се крене шампионскиот пехар и да се однесе во клупските витрини.
Од Ливерпул синоќа пуштија еден видеоклип на кој се гледа како течела подготовката за прославата која вечерва ќе следува.
Tomorrow night, dreams will come true.
Cherish and enjoy the moment – it's for you ✊
We will be together, all together, when it's possible again. But for now, stay safe and celebrate at home ❤️ pic.twitter.com/UKqg8pZgN6
— Liverpool FC (@LFC) July 21, 2020