Домашен термин за кецови во Топ-5 лигите е 18.30 часот во сабота, победија Тотенхем, Борусија и Валенсија (Видео)

Убав термин за домашни победи во Топ-5 лигите се покажа саботниот од 18.30 часот, а успешни настапи имаа Тотенхем, Борусија Менхенгладбах и Валенсија.

Тотенхем во меч од 8. коло во Премиер лигата го победи Лестер со 6:2 во одлична претстава во Лондон.

Почна одлично за Лисиците, кои поведоа по повторениот пенал на Јури Тилеманс во шесттата минута, откако првиот удар му го одбрани Иго Лорис, но имаше реприза поради престап на голманот на Тотенхем.

Во првото полувреме се случи пресврт со головите на Кејн и на Даер, но Лестер израмни со погодокот на Медисон во ефикасниот прв дел што заврши 2:2.

Во второто полувреме Бентанкур и Сон со хет-трик беа стрелци за Тотенхем за победа од 6:2 и делба на првото место со 17 бода, колку што има и шампионот Манчестер сити.

Борусија Менхенгладбах неочекувано лесно го декласираше Лајпциг во еден од дерби дуелите во седмото коло во Бундеслигата.

Домаќините славеа со 3:0 со двата гола на Хофман и со погодокот на Бенсабаини.

Валенсија исто така не прими гол на својата „Месталја“, а постигна три за победа против Селта.

Кастилјехо најави триумф на Лилјаците во 37. минута, а печат ставија Маркос Андре во 82. минута и Алмеида во последните моменти за победа од 3:0.

- Оглас -

Најнови вести