Голманот на ПСЖ, Џанлуиџи Донарума, е длабоко потресен од тешката повреда на ѕвездата на Баерн Минхен, Џамал Мусијала, објавија француските медиуми.
Германскиот репрезентативец ја скрши фибулата по судир со Донарума за време на четвртфиналниот натпревар од Светското клупско првенство меѓу двата тима.
Повредата се случи на крајот од првото полувреме, по што 26-годишниот Донарума се расплака на теренот.
Според информациите, Донарума веднаш по натпреварот му испратил порака на Мусијала прашувајќи го како се чувствува, а потоа и лично отишол во соблекувалната на Баерн за да се извини.
Наводно, италијанскиот голман побарал и психолошка поддршка од тимскиот психолог на ПСЖ, Хоакин Валдес, со цел полесно да се справи со емотивниот товар од ситуацијата.
Се очекува Џамал Мусијала да отсуствува од терените околу 4 до 5 месеци, што значи дека ќе го пропушти остатокот од календарската 2025 година.
