Далас маверикс со 133:126 ја совлада Филаделфија сиксерс во натпревар во кој дуото на тимот на Тексас, Лука Дончиќ и Кајри Ирвинг, испиша историја.
Дончиќ натпреварот го заврши со 42 постигнати поени, Ирвинг даде два помалку и тие станаа првото дуо во историјата на Далас кои постигнале 40 или повеќе поени и се само петтото дуо во последните 30 години во целата НБА-лига со ваков подвиг.
За Дончиќ ова беше шести натпревар сезонава во кој има учинок од 40 или повеќе поени и 10 или повеќе асистенции.
Интересно е што Јокиќ има само три натпревари, Дамиен Лилард два, а по нив ниту еден кошаркар во НБА сезонава нема ваков скор повеќе од еден натпревар.
Кај Филаделфија најдобри беа Џоел Ембид со 35 поени и Џејмс Харден со 27 поени и 13 асистенции.
Luka Doncic and Kyrie Irving are the first pair of teammates in Mavs history to score 40+ PTS in the same game.
Luka: 42 PTS, 4 REB, 12 AST, 7 3PM
Kyrie: 40 PTS, 4 REB, 6 AST, 6 3PM pic.twitter.com/dNnatJgKek— NBA History (@NBAHistory) March 3, 2023
На останатите натпревари победата ја однесоа сите домашни екипи. Во второто дерби на вечерта, Голден стејт вориорс со 115:91 го совлада ЛА клиперс. Џордан Пул беше најдобар играч на натпреварот со 34 постигнати поени.
Вашингтон визардс со 119:108 го победи Торонто репторс благодарение на одличната игра на Кајл Кузма, кој даде 30 и Кристапс Порзингис, кој уфрли 25 поени, додека Сан Антонио спарс со 110:99 беше подобар од Индијана пејсерс.
