Лука Дончиќ повторно се наоѓа во центарот на вниманието во НБА лигата, откако одигра спектакуларен меч против својот поранешен клуб Далас маверикс. Лос Анџелес лејкерс пред своите навивачи славеа над Далас со 129:119, а Дончиќ мечот го заврши со 35 поени и 11 асистенции. Одличен беше и Остин Ривс кој беше и прв стрелец на мечот со 38 поени.
За Лејкерс ова е четврта победа во исто толку мечеви во НБА Купот и тимот си обезбеди предност на домашен терен во четвртфиналето против Сан Антонио на 13 декември.
Lakers’ duo combines for 73 POINTS in 6th straight win!
Luka Dončić: 35 PTS, 11 AST, 4 3PM
Austin Reaves: 38 PTS, 8 REB, 6 3PMLAL goes 4-0 in Emirates NBA Cup Group Play & will host SAS in the Quarterfinals on Dec. 13th! pic.twitter.com/EEfTryBzjm
— NBA (@NBA) November 29, 2025
Никола Јокиќ и неговиот Денвер беа поразени на домашен терен од Сан Антонио со 139:136, па нема да играат во четвртфиналето на НБА купот. Јокиќ мечот го заврши со 21 поени, девет скокови и 10 асистенции, а дури четворица играчи имаа повеќе постигнати поени од него на овој меч.
Џемал Мари со 37 поени и Џонсон со 28 беа први стрелци кај Денвер, а Васел со 35 поени и Шампејн со 25 поени беа најефикасни во победничкиот тим.
Во четвртфиналето на НБА купот ќе играат: Орландо – Мајами, Торонто – Њујорк, Оклахома – Феникс и Лос Анџелес лејкерс – Сан Антонио спарс.
Резултати од мечевите кои се одиграа ноќеска: Атланта- Кливленд 130:123, Бруклин – Филаделфија 103:115, Шарлот – Чикаго 123:116, Детроит – Орландо 109:112, Индијана – Вашингтон 119:86, Њујорк – Миквоки 118:109, Денвер – Сан Антонио 136:139, Оклахома – Феникс 123:119, Јута – Сакраменто 128:119, ЛА лејкерс- Далас 129:119, ЛА клиперс – Мемфис 107:112.
