Денес во просториите на Црвена ѕвезда на стадионот „Рајко Митиќ“ во Белград се одржа комеморација за прерано починатиот Дејан Миловановиќ. 42-годишниот поранешен капитен на „црвено-белите“ и репрезентативец на Србија, ненадејно почита од срцев удар на меч за екипата на ветераните.
Како претседател на здружението на ветераните, за Миловановиќ зборуваше и Бошко Ѓуровски, но тогаш се случи вистинска драма. Македонската легенда се затетерави и се сруши на подот, а присутните веднаш притрчаа да му укажат помош.
Од Црвена ѕвезда информираат дека Бошко Ѓуровски изгубил свест, но по укажаната медицинска помош се чувствува добро и е во стабилна состојба.
