Репрезентацијата на Венецуела со 2:1 славеше над Еквадор во меч од првото коло на Б групата на Копа Америка. Еквадор беше фаворит пред мечот, но лошо отворија кога директен црвен картон доби искусниот напаѓач Енер Валенсија.
И со играч помалку Еквадор прв даде гол и водеше на полувремето. Сепак, Венецуела заигра многу подобро во вториот дел и со головите на Кадиз и Бело во 64 и 74 минута направи целосен пресврт доволно за освојување на трите бода од овој важен меч.
Во вториот дуел од оваа група, Мексико минимално со 1:0 ја победи Јамајка. Први на погодок се израдуваа фудбалерите на Јамајка, но голот на Антонио беше поништен поради офсајд.
Потоа следуваше гол и тоа регуларен за Мексико преку Артеага во 69 минута, момент кој на крајот се покажа како клучен за трите бода во првото коло да завршат на контото на Мексико.
