Ноќеска продолжуваат возбудувањата на Копа Америка. Првите две дуели кои се одиграа не изобилуваа со многу возбудувања и имаше малку голови. Аргентина со 2:0 славеше над Канада, а Перу и Чиле ремизираа без голови. Вечерва се играат уште две средби и тоа од Б групата.
Венецуела и Еквадор на четири од последните шест меѓусебни дуели одиграа нерешено, што само потврдува за израмнетоста во квалитет на овие две селекции. Еквадор треба да е поблиску до победата затоа што има четири победи во последните 10 дуели со овој ривал.
Во вториот меч од оваа група ќе играат Мексико и Јамајка. Според традицијата од последните 10 меѓусебни дуели, Мексико има шест победи, Јамајка се радувала еднаш, а три средби завршиле без победник. Ако се знае дека ова е континентално натпреварување, Мексико сигурно нема да сака да киксне, па едноставно „кецот“ е многу поверојатна опција.
