Постсезонските шпекулации околу иднината на Кевин Дурант се појавија уште пред крајот на оваа сезона, а како што најавува новинарот на „Бличер рипорт“, Рик Бучер, ѕвездата на Голден стејт веќе постигнала договор со Њујорк никс да го облече дресот на франшизата од „Медисон сквер гарден“.
Дурант и претходно беше поврзуван со преселба во екипата од Големото Јаболко, иако тој засега ги брани боите на Голден стејт и е во обид да ја освои третата последователна титула со Вориорс. Во редовите на актуелниот НБА-шампион, и покрај тоа што Дурант беше најкорисен играч во двете последни финалиња кои Голден стејт ги доби против Кливленд кавалирс, на Вориорс и натаму во прв план им се Стеф Кари и Клеј Томпсон.
Дурант по оваа сезона ќе биде слободен агент, а со Никси може да потпише максимален договор според кој би се задржал во Њујорк до неговата 35-та година.
"From everything I've heard, it's done. Yes, he's leaving… If he so much as gets [the Knicks] into the Conference Finals, he will be beloved there like he never has been at Golden State after 2 Championships."@RicBucher on Kevin Durant's free agency pic.twitter.com/eCHgKQxKTF
— Herd w/Colin Cowherd (@TheHerd) April 3, 2019