Квалификациите на патеката Имола не поминуваат како што се очекуваше. Во првите 20 минути од квалификациите се случија два големи инциденти. Најпрво опасно излетување од патеката имаше возачот на Ред бул Рејсинг, Јуки Цунода.
Цунода започна жестоко и агресивно уште од самиот старт, но кога дојде до петата кривина, излета од патеката. Јапонецот ја изгуби контролата над болидот, кој удри во заштитната ограда, а потоа летна во воздух.
За среќа, Цунода веднаш излезе од болидот и сигнализираше дека е добро. Ваквите инциденти уште еднаш потсетија на важноста на ХАЛО системот кој спасил многу животи, а сега тоа на своја кожа го почувствува и Цунода.
Grateful to see Yuki Tsunoda walk away from this enormous shunt in Q1#F1 #ImolaGP pic.twitter.com/hsviPlI66P
— Formula 1 (@F1) May 17, 2025
Квалификациите беа во прекин, а по 10-тина минути пауза, возбудувањата продолжија. Во последните секунди од првата третина од квалификациите, се случи уште еден инцидент. Франко Колапинто ја изгуби контролата и неколку пати се заврте со болидот, а потоа удри во заштитната ограда.
Another heavy hit into the barriers 💥
Franco Colapinto goes off at Turn 4 as Q1 comes to a close. He’s radioed to say he’s okay. #F1 #ImolaGP pic.twitter.com/JuSOjbKTOx
— Formula 1 (@F1) May 17, 2025
Овие два инциденти потсетија дека патеката Имола знае да биде многу ризична за возачите. На оваа патека пред нешто повеќе од три децении, животот го загуби легендрниот Ф1 возач Аиртон Сена.
