Поранешниот бразилски репрезентативец Филипе Кутињо направи трансфер од Астон вила во Васко де Гама од Рио де Жанеиро. Искусниот 33-годишен офанзивец и досега играше за Васко де Гама, но како позајмен играч. Бразилскиот клуб сега реши да го откупи договорот на фудбалерот кој го држи третиот најскап трансфер во историјата.
Интересно е дека Кутињо во Вско де Гама ја започна кариерата во 2009 година, а потоа играше за европските гиганти Интер, Ливерпул, Барселона и Баерн Минхен. Кога замина од Ливерпул во Барселона, трансферот изнесуваше 160 милиони евра.
По овој трансфер на Кутињо интересно е дека двајца од тројцата фудбалери со најголеми трансфери во историјата се во Бразил. Рекордерот Нејмар кој имаше трансфер од 222 милиони евра е член на Сантос. Меѓу Нејмар и Кутињо е Килијан Мбапе кој во ПСЖ од Монако дојде за сума од 180 милиони евра.
