Во објект на Sport Life во Прилеп во вторникот се уплатени два идентични тикета на мечевите од Лигата на шампионите вкупно за 60 денари и донесоа добивка од 179.702 денари.
На тикетот се одиграни четири натпревари со слична игра, на три меча се бараше една од екипите да постигне барем еден гол во првото и барем два гола во второто полувреме, додека на еден дуел беше одиграно домаќинот да даде два гола во првото и барем еден во второто полувреме. Најмалата квота за овие игри изнесуваше 4.55, а најголемата 14.7.
Прилепчанецот ја предвиде победата на Борусија Дортмунд во Милано од 1:3 и го погоди најголемиот коефициент. Борусија даде еден гол во првото полувреме, а во вториот дел со два гола ја завери победата.
На дуелот меѓу Галатасарај и Манчестер јунајтед кој заврши 3:3 беше одиграна истата игра, но овојпат голови се бараа од турскиот шампион. Зијех во 29-тата минута погоди во првиот дел, а во второто полувреме Галатасарај даде уште два гола кои му донесоа бод.
Обложувачот имаше голема доза на среќа на мечот меѓу Реал Мадрид и Наполи (4:2) бидејќи Кралевите двата гола во второто полувреме ги постигнаа во финишот. Прво Нико Паз даде гол за 3:2 во 84-тата минута, а Хоселу ја завери победата со голот во 94-тата минута.
Одлично беше одиграно и на дуелот Арсенал – Ланс бидејќи тука се бараше Топчиите да дадат два гола во првото и еден во второто полувреме. Арсенал сите дилеми околу победникот ги реши во првите 45 минути, кога даде дури пет гола, а во вториот дел само ја завери победата.
