Лионел Меси по 767-ми пат во кариерата игра за Барселона, и го израмни рекордот на Чави Ернандес по број на настапи во дресот на каталонскиот гигант. Меси изедначувањето на рекордот го прославува вечерва против Уеска, а веднаш покажа дека е мотивиран и во 13-та минута даде убав гол за водство од 1-0.
За Меси, ова е 20-ти гол сезонава во првенството, и сега има серија од 13 сезони по ред со 20 или повеќе погодоци. На следниот меч на Барса на кој ќе игра Меси, најверојатно за шест дена против Реал Сосиедад, тој ќе постави клупски и шпански рекорд по број на мечеви на еден човек во ист клуб во Ла Лига. Инаку, дебито го имаше на 16 октомври 2004, и еве 16 ипол години е член на Барса.
На трибината зад едниот гол, Барселона истакна знаме на кое Меси и Чави се прегрнати. Барселона е единствениот од Топ 20-те шпански клубови, во кои рекордер по број на настапи не е некој Шпанец.
Погледнете го 660-тиот гол на Меси за Барселона:
https://twitter.com/i/status/1371557028259360773
