Рускиот борач Абдулрашид Садулаев доби забрана од Интернациоланиот олимписки комитет (ИОК) за учество во кваификациите за пласман на ЛОИ во Париз, а со тоа и на Олимпијадата. Русинот е двократен олимписки победник од последните две Олимписки игри, но овојпат нема да може да учествува.
Комисијата при ИОК која ги разгледува поединечните барања на руските и белоруските спортисти на ЛОИ, утврдила дека Садулаев „ја поддржувал руската агресија на Украина“, но и дека тој е член на екипата на Динамо Москва, која „е блиска со тајните служби на Русија“.
„Го прогласивме Садулаев како неподобен за настап во квалификациите за ЛОИ откако комисијата пронајде нови информации за неговата подршка на украинско-руската војна и фактот дека тој сè уште е член на клубот Динамо“, се вели во соопштението на комисијата на ИОК.
United World Wrestling has ruled Abdulrashid Sadulaev inelligible to compete at the 2024 European Olympic Games Qualifier. Here's what it means.
— FloWrestling (@FloWrestling) April 4, 2024
Спортистите од Русија и Белорусија може да учествуваат на Олимписките игри само во индивидуалните спортови, но откако претходно ќе добијат специјална дозвола од комисијата наменета за тоа. Тие немаат право да ги користат националните симболи и ќе настапуваат како независни спортисти.
