Фернандо Торес се врати во Атлетико Мадрид за да работи како тренер на У-19 тимот на Јорганџиите. Ова е прв предизвик за популарниот Ел Нињо на стартот од тренерската кариера откако минатата сезона го изучуваше занаетот речиси во сите категории на шпанскиот првак.
Торес е легенда на Атлетико, токму од младинскиот погон на Јорганџиите стартуваше неговата богата кариера. Одигра вкупно 351 меч за Атлетико со учинок од 121 погодок во сите натпреварувања, статистика која ја надополни по враќањето во Мадрид во 2015 година.
Торес играше уште за Ливерпул, каде што најдобро покажа дека е расен голгетер, додека со Челзи ги освои освои двете натпреварувања на УЕФА, Лигата на шампионите и Лигата на Европа, но беше далеку од својата претпознатлива форма. Ги бранеше боите и на Милан, фудбалската кариера ја заврши во Јапонија, во тимот на Саган Тосу, каде што се пензионира во летото 2019 година.
😍 Fernando @Torres vuelve a su casa
📋 Continuará con su formación dirigiendo al Juvenil A
👋 ¡𝐁𝐢𝐞𝐧𝐯𝐞𝐧𝐢𝐝𝐨, 𝐅𝐞𝐫𝐧𝐚𝐧𝐝𝐨!
ℹ️ https://t.co/f4U6egA70S🔴⚪ #FernandoIsComingHome pic.twitter.com/pmXsJX2TuI
— Atleti Academia (@AtletiAcademia) July 25, 2021