Македонскиот фудбалер Елиф Елмас е пред голем предизвик, бидејќи вечерва после полноќ ќе го има својот најсериозен тест како играч на Наполи. Откако собра многу пофални зборови за својата игра после дуелот со Олимпик Марсеј, Елмас против каталонците ќе има тешка задача и тоа не само поради силата на противниците.
На екипата на Наполи ѝ се приклучи Алан, фудбалерот со кој Елмас ќе се борат за место во почетниот состав, па интересно ќе биде да се види дали Карло Анчелоти ќе тргне со Македонецот или Бразилецот. Елмас одигра добро против Марсеј, па сега ќе биде под притисок да го повтори тоа издание, иако нема да биде лесно, бидејќи се знае силата на средниот ред на шпанскиот првак.
Наполи и Барса во САД ќе одиграат две пријателски средби, а олеснителна околност за Елмас и другарите е што кај каталонците ќе го нема Лионел Меси.
